Lekseklubb

Fin ting: 70-tals-tapet

2008-07-17T15:38:00.001-07:00

Mønster er inn, og vi vil gjerne krydre våre veggar med dette augesnackset. Sjølvsagt skal tapeten opp på kjøkenet, då den matchar kjensla vi får når den første morgonkaffien renn nedover i halsen.

Få på deg arbeidskleda og
1 - 2 - 3 - tapetiser!

Nyt: Krtek

2008-06-14T02:28:00.000-07:00

Du hugsa kanskje denne fyren frå barne-tv? Den vesle moldvarpen heite han, eller Krtek, som på originalt tsjekkisk. Han som lagde filmane ville at dei kunne bli forstått over heile verda. Så han bestemde seg for at dottera skulle vere stemma bak alle karakterane i filmane. Eit ypparleg val seier vi. Det går ikkje an å ikkje bli glad etter å ha sett ein episode.

Nyt: Min nabo Toroto

2008-06-08T10:03:00.000-07:00

Vakker. Søt. Japansk teiknefilm, sjølvsagt. Eg vil ut i hagen og så eikenøtter.

Må ha sagt: Eksamen

2008-06-01T14:26:00.000-07:00

I desse stunder held Apfel & Piri på med sine eksamenar, og det er ikkje spesielt kjekt. Men etter trompeten og pennen er lagt ned, skal det klirre i glas!

Fin ting: Celestial Seasonings

2008-05-25T14:18:00.001-07:00

Vi elskar te, og Celestial Seasonings er den beste teen. Når den renn nedover halsen din, vert den som Nilen som gjer markene i sjela di fruktbare. Ta deg ei pause. Ta deg ein kopp te.

It fits: Dressbukse med oppbrett

2008-05-17T15:36:00.000-07:00

foto: The Sartorialist

Farvel til gardinflagrande bukseerme. Brett opp! No blir skoa endeleg sett.

Vår ven: The National Bank

2008-05-13T14:48:00.000-07:00

The National Bank er eit knallmessig popband, sjølvsagt frå Noreg. Yndlingen Thomas Dybdal er i spissen, og ilag med dei fire andre gutane, lagar dei musikk som lokkar oss ned i ukjende korallrev. I år kom plata "Come on over to the other side", som kjem til å stå igjen som eit av dei viktigaste utgivingane dette året. Apfel & Piri såg desse fargerike fiskane på Balejazz i år. Dei gav oss ei vanvittig framsyning, som fekk publikum til å symje med.

Må ha sagt: Myri er eit eventyr

2008-05-13T14:44:00.000-07:00

Under Balejazz i Balestrand, fekk Apfel & Piri opphalde seg på tunet der venene deira Lina, Ragnhild og Sara bur. Der vart vi teke imot med ein varme som vi ikkje har sett make til. Dit skal vi iallfall igjen. For ein plass!

Vår ven: Oddvar Torsheim

2008-05-04T11:37:00.000-07:00

Oddvar Torsheim gjer verda litt meir fargerik; når vi ser han vandre rundt i Førde sine fagre gater, kjenner vi det gjer godt i hjartet. Kven kan synge The Beatles som han?

Oddvaren er symbolet på at det er lov til å vere annleis, sjøl i Førde. Takk!

Poetry in motion: Ver snill

2008-05-04T11:03:00.000-07:00

Mjukt på mitt kinn

rak mot min rygg

køyr sakte, ven
saktare

Plukk eitt
til to
frå rot til blom

køyr sakte, vcn
saktare

Så vill og fin
veks busk ved veg
drep den ikkje
sakte

Apfel

Fin ting: (RED)

2008-05-04T10:04:00.000-07:00

Når du ser dette merket på eit produkt, kan du vite at det er med på å bekjempe HIV/AIDS i Afrika. Dei som ligg bak initiativet er Bono og Bobby Shriver, leiar av DATA. Dei ville skape fokus på situasjonen i Afrika i dag, ved å bruke ikonprodukt som Converse, Apple og Armani. No kan ein få tak i ei rekkje ulike produkt av blant anna desse leverandørane, der 50% av bruttooverskotet går til det globale fondet som jobbar med HIV/AIDS-tiltak i Afrika.

Gå raudt!

Fin ting: Mango.

2008-04-28T13:08:00.000-07:00

Å, denne herlege frukta som gjer at sansane våre dansar ein dans!

Kven kan motstå ein saftig mango, med like gult fruktkjøt som sola sjølv?

Inviter alle venene dine på ein mangofest til helga, medan du syng songar om mangoen du har laga sjølv. Gjer det du vil, men pris mangoen, den fortenar det. <3

På gullvegg: Nikolai Astrup

2008-04-28T13:02:00.000-07:00

"Vaarnatt og Seljekall"

Minnar oss på at det er, akk, vår!

Lat oss nyte livet.

Vi skal sjølvsagt sjå originalen til dette praktfulle kunstverket,

eit fargetresnitt,

på Astruptunet i sommar.

Sjåast der?

Poetry in motion: På stol, ved bord

2008-04-22T05:54:00.000-07:00

Vatn mine knusktørre auge
dei visnar i dette rom

Und es gibt
einer schöner Tag

Sola, har vi fått.
Det vedunderlege
har skjedd

Dra meg ut herifrå
og inn i varme sanddyner

Apfel

Fin ting: Brilletråd

2008-04-18T15:50:00.000-07:00

Vi slengjer oss tilbake for å hente fram brilletråden igjen. Praktisk og praktfull. Den er så stygg at den blir snygg!

På gullvegg: Lina Scheynius

2008-04-18T15:14:00.000-07:00

Fotografen Lina Scheynius tek bilete som får oss til å kome i ei stemning som vi ikkje vil gløyme.

Fin ting: Yin Yang

2008-04-18T14:46:00.000-07:00

Kva er viktigare enn balanse her i livet? Dag/natt, himmel/jord, kulde/varme, passiv/aktiv. Yin Yang, henta frå kinesisk filosofi, lærer deg å hugse at alt er samansett i balsanse, at livet treng motpartar for å kunne nytast.

I vinden: Apfel & Piri på litteraturfest

2008-04-18T14:30:00.000-07:00

I dag møtte Apfel & Piri Sandane kulturelite, der dei leste noko av sin eigenskriven poesi. Hendiga var "Gloppen litteraturfest", som skal verte ei årleg tilskiping. Denne gong var det Hans Sande som var midtpunktet, som for oss vart som ei uoppdaga perle på fjordbotnen.

Må ha sagt: Vi hjartar 3dra

2008-04-17T04:56:00.000-07:00

I dag synte 3. drama sine heildagsprøver. Vi fekk magi, undring og skumle saker. Vi såg atter ein gong at den klassen fekk DET til, og vi hjartar dei stort for det!

Vår ven: Joni Mitchell

2008-04-12T10:50:00.000-07:00

Apfel og Piri bøyer seg i støvet for denne hipp(i)e singer/songwriter-dronninga. Kven andre enn Joni Mitchell kan få oss til å danse heile natta lang i ein endelaus hippierus? Songane frå ei svunnen tid treff oss, og Blue er og blir eit av dei beste albuma som nokon gong er laga.

... come on down to the mermaid cafè, and I will buy you a bottle of wine ...

Kanskje ho kjem til Roskilde? Vi ventar i spenning.

Poetry in motion: Mak(aber)t

2008-04-08T09:51:00.000-07:00

Alt eg vil gjere er
1-2-3 pang!
og ta pengane dine
(og lungene dine)
(og stemmebåndet ditt)

1-2-3- pang!
deilig med fullmakt, ah

Apfel

Poetry in motion: I. Feil fokus

2008-04-07T06:57:00.000-07:00

O, hypp
på Morgondag
men Morgondag
vil vekk, O

Apfel

Må ha sagt: Geografihelvete

2008-04-03T06:46:00.000-07:00

Eg kunne klipt geografiboka mi i to, innsmørt den i bensin, tent på, medan eg syng "Påskemorgen slukker sorgen".

På gullvegg: Snow Attack

2008-03-25T14:52:00.000-07:00

Oppsummering av påska, gjennom linsa til Oh Jung Seok.

Poetry in motion: haiKU!

2008-03-24T13:22:00.000-07:00

Ein liten smakfull liten tapas av ein haiKU frå den japanske haiKUdiktaren Matsuo Bashō:

Gammal dam
Ein frosk hoppar
Lyden av vatnet

Vår ven: Frank Zappa

2008-03-24T12:44:00.000-07:00

Frank Zappa sa ein gong: "Eit sinn er som ein fallskjerm. Det fungerar ikkje om ikkje det er opent". Så sant, så sant. Han vart fødd ein kald desemberdag i 1940 i USA. Han var ein glitrande låtskrivar og komponist. Sjølv om det er med bandet sitt "Mothers of Invention" han er mest kjend, som spelar forskjellig R&B-inspirert musikk, skreiv han og mykje klassisk musikk. Idola hans var Edgard Varèse og Igor Stravinskij. Spesielt verket "Ionisaton" av Varèse tende den musikalske gløden i sinnet hans. Dette musikkstykket er skrive for 13 perkusjonistar og to sirener. Han byrja etter denne oppvåkninga å spele trommer i eit lokalt band. Men då han spelte altfor mykje på cymbalane, og ingen klarte å danse til rytmane hans, fekk han sparken.

Han har alltid vore politisk engasjert, og særleg var det sensurering av musikk han var oppteken av. Han opplevde sjølv å bli sensurert av den amerikanske staten. Han brukte konsertane sine til å oppmuntre mange amerikanarar å stemme, og vurderte sjølv å stille som presidentkandidat. Istadenfor vart han handelsminister i Tjekkoslovakia. Då Bush-regjeringa fekk høyre dette, vart dei kjempesinte, og trua å bryte all kontakt med landet om han ikkje trakk seg. Det gjorde han.

I 1991 fekk han beskjed om at han hadde prostatakreft, og at han mest sannsynleg ikkje kom til å overleve. Han brukte tida fram til han døydde i 1993 til å jobbe med dei klassiske verka sine.

For ein fyr! Bruk dagen i dag med å bli kjend med Frankie, og invister gjerne i eitt av dei over 50 albuma han har gjeve ut. Gjer det i dag! Søk på vår helt på Youtube. Og bøy deg i respekt.

Fin ting: Fjør

2008-03-24T10:16:00.000-07:00

Til å feste på klede, eller kople på eit smykke. Fjør er like fint som nokon glinsande stein.

Fin ting: Salt Water Spray

2008-03-24T08:47:00.001-07:00

Ja du sa du hata glatt, sterilt hår ja? Du ville ha litt meir vilt og hippie, strandhår? Saltvasspray er heilt ypparleg, du dusjar eit par dropar i håret ditt, og du oppnår dine ønske som du trudde var uoppnåelege. Go'biteh finn du på H&M for eit par 10arar. Gødt!

Nyt: "Grey Gardens" av Rufus Wainwright

2008-03-24T07:31:00.000-07:00

Denne songen av fantastiske Rufus, er inspirert av filmen og livet til mor og datter; Edie og Edie. Dei valde å flytte vekk frå samfunnets lev-livet-etter-boka-reglar, og busatte seg i ein villa der dei gjorde som dei ville; ete is til middag, dans og synge høgt, og la hagen og huset leve sitt eige liv. Rufus Wainwright er ein kanadisk-amerikansk musikar, songar og låtskrivar. Han er ein fabelaktig kunstnar som byr på originalitet på mange områder. Alle burde høyre musikken hans, og iallfall denne, "Grey Gardens". Når du høyre på den, er det som om veggane i øyregangen din blir måla med alle regnbogens fargar.

Vår ven: Tiger

2008-03-23T13:43:00.000-07:00

Eg dedikerer dette innlegget til det vakre og elegante kattedyret tigeren. Denne artige krabaten (som òg kan vere farleg) er å finne i skogterrenget til land som India, Bangladesh og Burma. Den har høg status, for den er det største medlemmet i kattefamilien. Skulle du møte på ein, kan du kjenne den att på sin oransje og kvite pels, dekorert med svarte striper. Desse stripene har inspirert utallege desingarar og andre skaparar, for kven vil ikkje pryde sine verk med naturens eigne eventyrlege mønster?